خروف الاضحى

موضوع: خروف الاضحى الجمعة أبريل 12, 2013 12:22 pm

لما الخروف اندبح والدم سال سال

انا والله قلبي انشرح والدبح شغال

وبسرعه جبت الفحم سريع الاشتعال

شامم ريحة الشوي ياض ياعبد العال؟

لظلظت ياخروفي كفياك لغ برسيم وأغلال

للحاضرين هوزع الريش والغايب منابه متشال

لكل حاضر سيخ على الفحم دا لحمه عال العال

والكرشه والفشه طعمهم خلى اللعاب سال

والليه متكترش منها لحسن يجيلك اسهال

مش هدي حد اكتر من نايبه كفاياكو استغلال

بعد اكل اللحمه الحال بقا غير الحال

والشوربه متعمره خلت دماغي اتشال

ياحلاوة كبدتك مع التومه والليمون

وطعامة كرشتك بالدقه والكمون

ودسامة شوربتك بشوية الدهون

ياكرش لما اتملا غنا اللسان

يالحمة عليتي المزاج التعبان

اموت انا في لحمة الخرفان

والشوي وسط اللمه والجيب دفيان

لحمه وعيديه وهيصي ياميريهان