ياحبيبي ياغلباوي يلي حبك شطه

قعدت على الكرسي أستنظر البيه

عقلي إتشتت والتفكير ماليه

يعني لو كلمته في المحمول ..وقلت له قلبي منك مغلول .. ولسه بتتقل عليا ياعسول

هيرد عليا هيقول ايه؟

طب هعملها واهي فرصه افش غلي فيه

دنا استحملت بلاوي ياما ليه

واتعكيت في حبه وأتاريه

واخدعشان يدخل قلبي كارنيه

انا بس مش عايزه اجي عليه

بقول لنفسي دايما اعزريه

يمكن الدنيا ملطشه فيه

يمكن حقيقي كلام معاليه

بس كل ما اشد الحبل وارخيه

يشدو ويقطعو هوه من نواحيه

وقررت ف الاخر اني اربيه

حبل الوصال غلب من التنطيط

ويحك ياقلبي اما انك عبيط

لو كان بينفع معاه التزبيط

والكنتاكي اللي اكلتهوله بدل القرنبيط

كنت وفرت على نفسي التخطيط

علشان مكنتش اعرف انه قليط

ومكنتش وخده بالى انه حويط

بدل ما اكعبله بالتربيط

وقعني هوه في بير غويط

ياحبيبي ياغلباوي يااللي حبك شطه

نفسي امسك عليك مره غلطه

كل ماادبرك فوكيره وخطه

واطبخ التوريطه وأزبط الخلطه

تهرب منها زي ما بيهرب الفار من القطه
وانا قطه
واي قطه

دنا قعدالك ع الصقطه واللقطه

بقلم ميريهاني