تتشك في نن عينك

على قد حسرتي
من نشل ماهيتي
تتشك ف نن عينك
يامبدد فرحتي
ويصيبك الي صابني
من هم وغم نابني
وبالخفه سبقني
وتهت فــ سكتي

يايدوسك قطر مجري
ولا يحوسك قسط شهري
او يجيلك داء يهري
وتبرد قهرتي

نشلت فلوسي ليه
هكمل الشهر بــ ايه؟
ودين امى يابيه
لو مسكته لأربيه

نشال والإيد في الجيوب سارحه
نشال وزمتى واسعه وبرحه
نشال ياعيني ونشلي يجيب الدبحه
نشال ياليلي واسرق حتى السبحه
نشال ومايقفش معايه لا ناصح ولا ناصحه

جيت اقلب رزقى في منتدى هيهات
اتجبرت في جوجل وطلعت بشوية لينكات
الجدع فيكو هيتقلب فين راحو القرشينات؟
لو لاقيت جيبوك فاضيه اخرج من سكات
بدال مااقطرك في توبيك تاني ومااكتر التوبيكات
سمعنى بقا ياكابتن اجدع السلامات

» عيني فى عينك
» عيني فى عينك