احنا اللي كعبلنا النمل

احنا اللي كعبلنا النمله وجبنا لبن العصفور
احنا اللى يحكمنا مبارك ونظيف وشريف وسرور
احنا اللى عشان رغيف ناكله واقفين فى طابور
احنا اللى نص مرتبنا رايح فى فاتورة مية ونور
احنا اللى نرصف فى الشارع والصبح نلقاه محفور
احنا اللى كل ساعة حادثة نطلع منها بضحايا وكسور
احنا اللى أ كلنا الفول ابو سوس فى طبق مكسور

احنا اللى الكبير ياخد رشوة وعاوزين الطابق مستور
احنا اللى عاوزينا نهاجر م الدنيا نبعد ونغور
احنا اللى اعضاء مجاليسنا جايين بالزور

احنا اللى بهدلنا الفلاح وحولنا المزروع الى بور
احنا اللى ابن الباشا يغش وان قلنا لا نلاقى ساطور
احنا اللى اى حد يتكلم فى اى حاجة ويبقا فيها دكتور
احنا اللى بننصب فى الفاعل والمنصوب نعمله مجرور
ااحنا اللى نضلم شوارعنا بالليل ونورها فى عز النور
احنا اللى يغلط فينا يقول: انا يا با عبد المأمور
احنا اللى فى كل حياتنا متعلقين فى سواقى بتدور
احنا اللى نقدم ونأخر فى الساغة على كيف طرطور

احنا اللى دهنا الهوا دوكو وخرمنا القرش بلا شنيور
احنا اللى طلعنا من المية وجننا عروس البحور
احنا اللى رجعناها حلوة جميلة العجوز ام منخور
احنا اللى ريسنا بيجرى واحنا وراه نلهث فى طابور
احنا اللى ريسنا حبيبنا راجل جدع مش عايش الدور
احنا اللى كل مايتكلم يقولنا :كتر عددكم وانا معذور
احنا اللى 30 سنة فى طوارئ وعشان جمالنا جه الدستور
احنا اللى كاتمين على صوتنا داخل بلدنا وبرة السور
احنا اللى لازم نتحرك ونطالب برجوع الحق المهدور

واتحركنا وثورنا وصرخنا ياشهيد يامنصور
احنا الي عملنا ثوره وكسرنا ابواب كل حاجز وسور
احنا الي حبسنا مبارك وجمل وعلاء وفتحى سرور
احنا اللي دخلنا انتخابات وعشنا فيها الدور

واخرةالمتمات جالنا الاخوان وعدونا بالحال الميسور
جم عشان يحرموا الفن ويحللوا شرب بول البعرور
مية يوم عدوا علينا يااخونا ولا قالوا احم ولا دستور
وكل يوم حادثه وكل يوم شهيد وقلب الام لسه منحور
ولسه الاخوان بيوعدوا الناس ويقول دا وعد النسور
ولسه الاخوان بيفتوا براحتهم لحدت ماعدت شهور وشهور
وأدينا لسه في المهزله وعايزين يسيطروا ع الدستور
واحنا اللي لسه معكوكين زى البهايم في الساقيه بتدوراقيه بتد

ور