احلا عروسة واحلا عريس

** نفسي اقولك **
لخص بقي وهات مــ الأخر
خلص خلي لحبك أخر
يتقولي بحبك أديلي سنين
أرحم سني بقي خمسة وعشرين
كفاية ارحمني من دي عنوسة
نفسي أتهني وأبقي عروسة
ألبس فستان أبيض بيلالي
لو حتى رخيص مش لازم غالي
نفسي أشوفك جنبي عريس
مش فارقة معايا جمعة خميس
خليني أتزف والبس فستان
ولازم أبيض مش ألوان
وتيجي تاخدني من الكوافير
متزوقة بعد الباديكر
خارجة بفستان من فوق شفاف
وحصوة للي ماصلي وشاف
والجذمة البيضة والطرحة التولي
تقرب مني والقاك بتقلي
سامحيني ياعمري انتظرتي كتير
كان غصب عني التأخير
واتنين حواليا شايلنلي شموع
والمح ماما في عيونها دموع
اشاور ليها بإيدي مكسوفة
تيجي تاخدني لحضنها ملهوفة
تقولي في ودني الفين مبروك
واسمع زغاريدها طالعة لفوق
والقي العربية متزوقة
وعـ الصفين ناس متشوقة
لإحلي عروسة واحلي عريس
ونقضي شهر عسل بباريس
دا بعد الكوشة وبعد الزفة
عارفه انا بحلم ولما اصحي انا خايفة
خايفة القاني مع الصفين
وساعتها هكون خمسة وتلاتين
لاخت اسمها

ـــــــــــــــــــــــــــــــ
لـــ ايمان السعيد

توفيق الكلام جميل على فكره اوي ..
اختيار موفق بجد
اي عروسه وعريس هيقرو الكلام ده هيحسوه اوي بجد
...........................................