ياوليه
ياللي بتبيعي سمك على ناصية الشارع ..
بتبيعي سمك وزفاره.. شكلك في الدنيا محتاره
قوليلي ياحجه انتى اشترتيه من صياد ولا صدتيه بسناره
لو كنتى صدتيه يبقا ياصبرك! ! ياجباره
يابتي قلبي صبر ع المر والصبار
والصبر لما شاف حالي بكا وإنهار
يابتي انا بجري ورا الرزق بالمشوار
وانا يعني لو بكيت
وقعدت مكانى وهات ياصويت
ولده وده رحت واشتكيت
مين هيحطلي لقمه في حنكي كل يوم
مين هيطيطب على كتفي ومنين هيجيلي النوم
وانا ضنايا نايم جعان محروم
دا الناس تاكل وشي ويقولو ياعيب الشوم
انا عندي احفر الصخر ب ايديا ولاإن كبدى يبات مظلوم
ياست انتى جبتي القوه دي منين
دنا حالي مال وانا بنت العشرين
والدنياعماله بتحدف فيا شمال ويمين
أصرخ وأقول ياخلق يانايمين
انا فيا جرح الزمن وعدا القوانين
وشاطنى شوطه طلعتني بره دايرة المسعدين
والكل بيراقبو من بعيد ساكتين
يابتي انتي لاقيه الزاد وبطنك شبعانه
وبتتغطي بلحاف تقيل وأنا وعيالي السما مغطيانه
وبردو بتشتكي و مش بحالك قنعانه؟
لو نص اللي عندك عندنا يبقا الزمن رضانا
وبردوو بحمد ربنا اللي بالستر والصحه عفانا
ياست انتى بتنامى مرتاحة البال
وايه فايدة الدفا والقلق شغال
ولما البطن تتملي هيتحل يعني الإشكال؟
دنا بضحك على نفسي وأقول انا في احسن حال
وانا عارفه انى بعمل كده استسهال
ورغم انى معايه المال ..
حياتي واقفه ومكملاها عافيه واستهبال
بس برده اخر الليل ببكي ..حرجى عدا الاحتمال
والصبرقال كلمته الي لغت كل الاقوال
قالي ياحلوه وقتك خلص ومشكلتك يحلها الحلال
بقلمي ميريهان
الخميس أبريل 11, 2013 4:07 am