أنا زي البحر ..

موضوع: أنا زي البحر .. السبت أبريل 13, 2013 2:34 pm

شفت البحر... هات ايدك وتعالا نبص عليه سوا
عارف ليه ؟ عشان اوريك نفسي فــيه
عايزاك تعرفني كويس .. لما تحقق ف البحــر أوى هتعرف تركيبتي
انا تركيبتي تركيبه خطيره .. مزيــج من الملح والميه والهوا اللي ف البحر.. تعادل مزيج من الطعم والحياه والتقلب اللي فيا

انا زى الملح ما بيدي طعم لآكلك هدي طعم لحياتك بس
إوعا تكتر من الملح ,,بإنك تحاول ف يوم تخاصمنى او تعاندني او تجادلني او تتحداني ... هتلاقيني خليت حياتك ملـــــح .. ويمكن جبال ملــــح
فا عشان كده بقلك انا زي البحــر
انا زي الميه ... انا الحياه ... تقدر تعيش من غيري. ؟؟؟ بس افتكر دايما ان الميه بتغرق ..!! اه ممكن اغرقك ...!!
ممكن اغرقك ف بحور الهوى .. والحب والهيام والعشق .. ممكن احاوطك من كل الجهات ... ممكن اخد على طبعك زي الميه مبتاخد شكل وحجم الاوانى الي بتتحط فيها ...
وممكن بردو اغرقك ف قلق .. وهزيان وتوهان وغيبوبه ... ممكن اغرقك ف دنيا الاحزان والاهات انتا اللي بتختار تغرق ازاى ؟؟؟
عشان كده بقلك انا زي البحر
!!

انا الهواء...انا الهواء الي بينسم على حياتك نسمات عطره ... ريحتها من الجنه ... عشان اخلي كل ريحه ليها عندك زكرى
وممكن اكون بردو الرياااااح ..الي تقلب ايامك فوق تحت ومن تحت لفوق ... الي تحرك فيك الوجع وتحرك فيك اللوعه والندم ... وتحرك فيك كل حاجه اقسمت انها ما تتحركش
وعشان كده بقلك انا زي البحــر ف هواه ...
حبيـــبي ...
عايزاك تعوم ف البحـــر .. بس قبل ما تقرر تعوم .. قرر هتتعامل مع البحــر ازاى وامتا ... وافتكر تتمرن كويس على العوم عشان متغرقش ... وافتكر تختار وقت الهدوء... واحزر من المــوج العالــي ... واتعلم ازاى تفادي المـــوجه العاليه...وازاى تغــوص ف الاعماق .....
لازم تتعلم كل ده قبل ما تقتحم البحر .....
ولازم تتعلم كل ده قبل ما تقتحمنـــي......
عشان انا زي البــــــحر.......

...