ازاي تقنعي حد بكلامك ؟؟

السلام عليكم ورحمة الله وبركاته

ازيكو يا بنات ؟؟

ايه الاخبار ؟؟
طبعا كلكو داخلين ومستغربين ازاي يعني اقنع اي شخص بأي حاجه

وازاي اخلي اي حد يحبني ويالفني ف اقل من 5 دقايق وكمان اول مرة اقابله

بصي يا ستي

دي حاجه اسمها فن الألفه بيندرج تحت البرمجه اللغويه العصبيه NLP

حلو كدا ؟؟حلو

نبتدي بقي بتعريف الالفه وهي
القدرة علي تقليص الاختلافات الدقيقه

في مستوي العقل غير الواعي //عقلك الباطن يعني //

بينك وبين الشخص الاخر لأقل مستوي

لو التعريف صعب متقلقيش خالص مش مهم اوي

نيجي ل
خطوات تحقيق الألفه

3 خطوات هنقولهم بعدين نشرحهم بالتفصيل الممل

1_المطابقه :الوصول للانسجام والتوافق
2_المجاراة :الاستمرار في المطابقه لتعميق الانسجام
3_القياده:مؤشر بأن الشخص الاخر لديه انسجام معك وجاهز للتاثير منك عليه

واحده هتقولي مش فاهمه حاجه يا ست انتي

متقلقيش يا قطه هشرحلك بالعاميه بالراحه خالص وعلي مهلك

اول حاجه المطابقه
ماشي ؟؟

جميل

المطابقه دي معناها انك تعملي حركات والفاظ الشخص اللي قدامك
يعني تقلديه
قلدي حركاته بالحته بس من غير ما تحسسيه طبعا
ازاااااااااااي ؟؟
اول حاجه __مطابقه ع المستوي اللفظي
ازاااي بردو ؟؟
1_ ف اللغه
خدي اخر كلمه من كلامها وخليها في بدايه كلامك

يعني مثلا تقولك :والله الحاجه الفلانيه مش بحبها
تقولي انتي :مش بتحبيها ؟؟ تصدقي انا كمان مش بحبها اوي

مثلا تقول لك : عندك اخوات
تقولي انتي : عندي اخوات اه عندي كذا وكذا

مش تقومي تقول اه عندي كذا لالا

فهمتو كدا النقطه دي ؟؟

2_ الصووت :
يعني تتكلمي بنفس النغمه والنبرة والسرعه
اللي بيتكلم بيها الشخص اللي ادامك

يعني مثلا بتكلمي واحده هاديه جدا
يبقي اسلوبك معاها يبقي لطيف وهاااادي زيها بالزبط

واحده تانيه اسلوبها عادي او فريش شويه
تقومي انتي تردي عليها بنففففس الاسلوب

متبقاش واحده لسه اول مرة تتعرفي عليها وداخله بتقول السلام عليكم
تقومي تردي وتقولي هااااااي

او العكس بالعكس

دا انتي كدا بتخلقي حاجز بينكو من قبل ما تتعرفو ع بعض

وبردو مينفعش واحده اسلوبها سريع ف الكلام وتقعدي ادامها بارده وتتكلمي بالراحه ع مهلك

لا
جاريها ف اسلوبها حتي لو مش بتحبيه

دا كان ع المســــتوي اللــــــــــــــفظي
قلنا حاجتين ( اللغه والصوت )

تاني حاجه : ع المستوي غير اللفظي

1: الوضعيه والهيئه
يعني ايييه ؟؟

يعني نفس الجلسه والحركات

ازاي بردو ؟

يعني لو هيا قاعده حاطه رجل ع رجل اعملي زيها وحطي رجل ع رجل

لو هيا مربعه ايديها ربعي ايديكي

لو هيا بتلعب ف الطرحه العبي انتي كمان ف الطرحه

ولو غيرت حركتها غيري انتي كمان

بس بهدووووووووء من غير ما تحسسيها بكدا

مش تيجي بقي كل ما تهز راسها تقومي انتي علي طول تيك تعوجي رقبتك

لا يا نونو ع مهلك كدا

2-التنفس

دي بقي العكس
يعني لو هي ف الشهيق خليكي انتي زفير والعكس

وخلي كلامك يكون في الشهيق
يعني يكون وهيا جايه تاخد نفسها

3_الحركه :
ودي شرحتها ف الوضعيه

ودي تكوني بتعملي نفس حركاتها ولكن بالعكس
يعني كانها ادام مرايه

وضعيتك بنفس وضعيتها

كدا خلصنا اول حاجه وهي المطابقه بنوعيها

ملحوظه بقي ف الاخر كدا

* لو عاوزة تستفيدي من الحوار وتستمري فيه فاتكلمي بنفس نمط الشخص اللي ادامك
* لو عاوزة تطفشي وزهقتي يبقي اتكلمي بنمط لا يرغبه الشخص بدون مطابقه