إبليس من وجهه نظر مختلفه

طبعا محدش يقدر ينكر عداوتنا للشيطان! ومين يقدر والقرآن هو اللى أثبتها

بس ده ميمنعش إننا ممكن نستفيد من الغير حتى لو كان عدو لينا والكلام ده مش جديد

ده حصل مع سيدنا أبو هريره فى الحديث المشهور لما جاءه الشيطان يسرق منه الطعام

ثلاث ليال ولكى يتركه ابو هريره قال له إذا أويت إلى فراشك كل ليله فإقرأ آيه الكرسى

لا يزال عليك من لله حافظ حتى تصبح وقال له النبى صلى الله عليه وسلم

صدقك وهو كذوب

أما وجهه النظر التى أقصدها هنا فهى مش هاقول إعجاب بالشخصيه حاشا لله

ولكن الملعون عليه لعنه الله له موقف ليتنا نأخذ منه عبره ونتعلم

الشيطان يا جماعه

1_واضح الهدف

2_ثابت الخطى

3_صبور للوصول إلى غايته

4_صريح مع نفسه

غريب الكلام بس عندى الدليل

واضح الهدف

إيه هو هدف الشيطان ها

هااااااااااااا

ليس هدفه هو المعصيه هدف الشيطان أن نشرك بالله وأن نكون من أصحاب النار

فهو صاحب ثأر قديم ثابت عليه وأعلنه منذ البدايه

قال فبعزتك لأغوينهم أجمعين

قالها لله عز وجل ياربى هذا الذى كرمته على هو هدفى هو وذريته لأغوينهم أجمعين

وفى موقف آخر قال

أرأيتك هذا الذى كرمت على لأحتنكن ذريته إلى يوم القيامه

يا ما شاء الله الله سبحانه يكرمنا وهو يعلن أنه سيحتنكنا أى أنه سيجعل فى فمنا لجاما

والله إنه لصادق مع ربه واضح هدفه لم يوارب ولم يدارى أعد لنفسه خطه ليمشى عليها

وها هو أظنه نجح كثيرا فى مبتغاه أليس شارب الخمر فى فمه لجام

أليست البنت التى تلبس بناطيل الرش والباديهات فى فمها لجام

أليس تارك الصلاه ومانع الزكاه وآكل الربا فى فمه لجام يسوقه شيطان كل يبحث فى فمه

ثابت الخطى

لا يتغير ولا يبدل من أسلوبه ولا طريقته فى الإغواء

أعلن منذ البدايه أن المرأه هى جنده وهى سهمه الذى يرمى به فلا يخطىء

لا اله الا الله ياترى بقى من منكن سهم فى جعبه إبليس يرمى برمى بها فلا يخطىء

صبور جدا

فهو لا يجيىء للمؤمن ويقول له أكفر بالله أو إزنى أو إفعل كذا لالالالالالالالالا

إنه صاحب إستراتيجيه حربيه خطه ممتده ولو لسنوات

أنت وهى أصدقاء لالالالا أنتم أخوه لا ما المانع من اللقاء

يابنتى إفتحى الكاميرا هو هايكلك يعنى ده عاوز بس يعرف هو بيكلم مين

مش يمكن تكونى من نصيبه وساعتها يبقى مباح إنه يشوفك يا شيخه إفتحى إفتحى

فتح الله دماغك أأأأأأأأأأأأأأأه لأقصد فتح الله عليكى

وشويه شويه بقى وعلى أقل من مهله وطبعا النهايه معروفه 0000000 النت يفصل

يلا خير والله سبحان الله

صريح مع نفسه

عارف هو رايح فين ومتأكد إنه لجهنم بس بقى ما أروح لوحدى عاوز اللى يونسنى

يعنى يدخل هو النار لوحده بيعد العده من الآن لأعوان له فى الجحيم

يعنى ياكل من شجره الزقوم لوحده كده لا هو مش طماع وأعلنها يا جماعه عاوزين

سكان للجحيم يلا بقى كده إجدعنوا شويه ولموا بعضكم وورايا على خطايا

وهناك وقبل ما نروح هاقلكم

إن الله وعدكم وعد الحق ووعدتكم فأخلفتكم وما كان لى عليكم من سلطان

إلا أن دعوتكم فإستجبتم لى فلا تلومونى ولوموا أنفسكم

يا جماعه بصراحه دروس كتير ممكن نتعلمها منه عدونا اللدود بجد والله

يعنى هو له تأثير عجيب جدا مش عارف بقى ده لأنه صريح ولا لغباء فينا مش عارف

يعنى البنطلون الاسترتش والبادى و من غير حجاب وعرفه إنها غلط بس بتسمع كلامه

يعنى قاعد والنت شغال على مواقع جنسيه وعارف إنه غلطان وإن ربنا شايفه ومع ذلك

عارف إنه بيضحك على بنت الناس دى ويعشمها بالجواز ويتسلى شويه

بس عادى بقى هو برده معذور اللجام اللى فى بقه هو اللى بيحركه يمين وشمال

بصراحه يا جماعه أنا مقدرش أجيب عيب على ابليس

هو قال وحدد وقال يا جماعه معايا لجام ومجانا مين يحب يلبسه

وكل واحد وواحده بقى حريين هو الراجل مغلطش قالكم ده طريقى ودى نهايتى

ومعايا اللجام اللى عاوز يلبسه يتفضل هو مش مانعه عن حد ولا بيحوشه هو سهران

وعاوز مش راحتكم بقى لا دا عاوز يحقق هدفه وغايته

ياترى بقى وعى الدرس وفهمه وعمل لنفسه طريقه يفك اللجام